جـ : يبقا لازم تستعد
س : وإزاى أستعد
جـ : تتوب
تعترف
تتناول
تعمل أعمال صالحة
س : يعنى إيه أتوب وإزاى
جـ : يعنى تندم على كل خطية إنت عملتها
وكمان كل حاجة كان ممكن تعملها للرب يسوع وماعملتهاش
يعنى تندم على الغلط اللى إتعمل والصح اللى ما إتعملش
س : بس كده يعنى التوبة هى الندم
جـ : لاء مش بس الندم
التوبة لازم تكون بنية عدم الرجوع للخطية
يعنى مش اتوب دلوقتى علشان أروح أعترف
ومن جوايا عارف إن فيه خطايا هاكررها بعد الإعتراف
أتوب وانا باقول لربنا يارب من كل قلبى ندمان على خطاياى
من ناحيتى أنا يارب هامسك فيك
وهابذل كل جهدى إنى ما أكررهاش
وإنت يارب تساعدنى تدينى القوة إنى ما أرجعلهاش تانى
س : طب دى أول خطوة ( التوبة )
لكن فيه خطوة أصعب وهى ( الإعتراف )
جـ : ليه أصعب
ج : يمكن أكون خايف أو محرج
أو مش بابقا عارف هاروح أقول إيه
ده غير إنى بانسى حاجات كتير فى الإعتراف
وكتير باحس إنى باكرر نفس الخطايا فى كل مرة
رغم إنى عارف إنى عندى خطايا أكتر
عاوز لما أروح أعترف
أخرج وأنا مرتاح أوى ومتأكد إنى مانسيتش أى حاجه
قبل ما تروح تعترف
أقعد فى البيت فى مكان لوحدك
ابتدى بإنك ترنم ترنيمة بتحبها
وإنت وبترنمها حاول تفتكر خطاياك
وتكون معاك ورقه وقلم
وكل خطية تفتكرها إكتب أول حرفين منها بس
أو أى رمز يفكرك بيها فى وقت الإعتراف
فكر فى كل حاجة
وإسأل نفسك عنها
إبتدى مثلا ً بــ
الصلاه
http://loveyou-jesus.com/uplod/uploads/3d12b6d866.gif
بتصلى
مواظب على الصلاه
صلاتك عادية ولا من الإجبية وبالمزامير
صلاتك بحرارة وبإحساس بالوجود فى حضرة الله
بتسرح وقت الصلاه
بتصلى من أجل الاَخرين وأعدائك زى ما ربنا طلب مننا
الصوم
http://loveyou-jesus.com/uplod/uploads/3d12b6d866.gif
بتصوم كل أصوام الكنيسة ؟
والاربعاء والجمعة ؟
هل ليك فترة إنقطاع في أصوامك ؟
العطاء
http://loveyou-jesus.com/uplod/uploads/3d12b6d866.gif
هل انت امين في تقديم العشور ؟
مهتم بالفقراء والمحتاجين ورحيم بهم ؟
الكتاب المقدس
http://loveyou-jesus.com/uplod/uploads/3d12b6d866.gif
مواظب على قرائته ؟
هل ليك قراءات عالميه لا يجب أن تقراها ؟
الإعتراف
http://loveyou-jesus.com/uplod/uploads/3d12b6d866.gif
مواظب على الإعتراف ؟
إمتى أخر مرة إعترفت ؟
بتحس ان فيه حاجه بتحاول تخبيها عن اب اعترافك ؟
التناول
http://loveyou-jesus.com/uplod/uploads/3d12b6d866.gif
مواظب عليه ؟
إمتى أخر مرة إتناولت ؟
الكنيسة
http://loveyou-jesus.com/uplod/uploads/3d12b6d866.gif
مواظب على الذهاب للكنيسة ؟
هل فيه حاجه بتمنعك ؟
مواظب على حضور القداسات ؟
بتحضر القداس وانت صايم ولا فاطر ؟
بتيجى القداس متأخر ؟
بتحضر إجتماعات الكنيسة ؟
بتخدم ؟
أمين في خدمتك ؟
خطايا اللسان
http://loveyou-jesus.com/uplod/uploads/3d12b6d866.gif
هل فيه
كذب . نميمة . إدانة . تجديف . شتيمة . تهكم . مزاح رديء
مناقشات غبية . كلام غير لائق . حلفان . كلام جارح
هل بتحب تعلم أوتوبخ اوتنصح غيرك حتى اللى أكبر منك سنا؟
بتغنى أغاني العالم ؟
خطايا الفعل
http://loveyou-jesus.com/uplod/uploads/3d12b6d866.gif
خصام . تسبب فى العثرات . سرقة . سماع اغانى او اشياء
لاتمجد ربنا . رقص . شجار . سكر . تدخين . إهمال .
عصيان . عادات رديئة . غش . نظرات شريرة
خطايا الفكر
http://loveyou-jesus.com/uplod/uploads/3d12b6d866.gif
هل فيه
غضب . خوف . كبرياء . تجديف . نميمة . إدانة. حسد.
غيرة . تذمر . حقد . كره . شهوة. طمع . تفكير فى الانتحار
يأس . حزن
هل يحاربك الفكر من الخارج وتحاول أن تطرده أم تستجيب له؟
هل يتحول الفكر إلى شهوة أحيانا فيغريك على الخطية بالفعل ؟
هل تشغلك أفكار بخصوص اهتمامات العالم ومشاكله وأحزانه ؟
ما الذي يشغل تفكيرك ويضايقك ويفقدك سلامك في هذه الأيام؟
علاقتك بالناس
http://loveyou-jesus.com/uplod/uploads/3d12b6d866.gif
هل أسأت لأحد
بحجة : الدفاع عن الحق . المزاح . الجهل . النسيان ؟
هل تعتذر . وهل تبادر أنت بالمصالحة ؟
هل أنت سريع الغضب ؟ وما هي مظاهر غضبك ؟
( غضب داخلي . حدة في الصوت . كلاما جارحا . شتيمة . عراك . ضرب )
هل تصرف غضبك بسرعة ؟ ولا بيفضل معاك فترة ؟
هل بيتحول غضبك من أحد إلى حقد أو كراهية له ؟
هل أنت مقصر في حق حد ؟
ودلوقتى بتأدى واجبك معاه بالكامل ؟
ولا مازلت مقصر ؟
هل ليك صحبة شريرة مع أحد ؟
هل بتحب مديح الناس ؟
هل بتسعى لكده ؟ وكيف ؟
وإيه بيبقا شعورك إذا ذمك أحد أو تجاهلك أو عارضك ؟
التدريب الروحى
http://loveyou-jesus.com/uplod/uploads/3d12b6d866.gif
هل بتتحلى ببعض الفضائل ؟
قد إيه مقدار الفضائل دى عندك
( الإحتمال . التسامح . محبة الأعداء ) ؟
هل بتحسن لمن يسىء إليك ؟
وهل بتحب من يبغضك ؟
هل فيه فضائل تحب إنك تدرب نفسك عليها ؟
أما اَخر خطوتين
فهما
إنك تواظب على التناول من الأسرار المقدسة
وإنك تعمل أعمال صالحة ترضى ربنا
وتبقى كده ضمنت أبديتك
