صلاة اَباء المنيا ( مكتوبة )

صلاة اَباء المنيا بسم الاب والابن والروح القدس اله واحد امين بماذا ارد للرب عن كل احساناته اشكرك يارب اشكر ربنا لانه اتى بك الى هذه الساعة اشكروا الرب قول له اشكرك يارب اشكرك يارب لانك حفظتني في ناس كتير حياتهم انتهت من غير توبة وممكن يكون الطريق بعد كده مظلم لكن انت قول له اشكرك يارب لانك حفظتنى لغاية هذه الساعة وخليتنى اجى هنا علشان اقدم توبةاجمل شئ انك تشكر الله في وقت الضيقة ووقت الظروف الصعبة حتي الحاجات الصعبة اللي من ايدك هقبلها بشكر وهخضع ليك واقولك انت الملك وانت العظيم وانت القدوس كل اعمالك بحكمة صنعت عشان كدة انا بشكرك اشكرك لان ياما ناس كتيرة انهارده موجودة فى اماكن الضلالة والشر انا اشكرك لانك جبتنى هنا علشان اتقدس بهذه الكلمات اللى هتخرج من فمى اشكرك لانك قبلتني يارب بقذارتي بوساختي قبلتني بريحة الخنازير قبلتني بالضلال اللي انا فيه قبلتني الكتاب بيقول ميلنا كل واحد الي طريقه والرب وضع علي المسيح اثم جميعنا اشكرك لانك حملت خطيتي اشكروا الرب قوله اشكرك بس من قلبك من جوه ماتكونش كذاب ماتكذبش عليه ماتقولوش اشكرك وانت مش قادر تقولها من قلبك من جوه قوله اشكرك بحق يارب انا فعلا مديون ليك اشكره لانه حفظك من شرور الطريق وفيه ناس كتير ماتوا فى الطريق وانت حفظك لهذه الساعه اشكره على اولادك اللى لسه محفوظين ومحميين ومحزومين فى حزمة الحياه اشكره عليهم داود النبى الملك العظيم لما اخطأ وزنى وقتل مكنش فيه طريق يروحله غير حضن الرب ليه كل المجد طلع يجرى على ربنا وقاله ارحمنى يا الله كعظيم رحمتك انا عارف ان رحمتك عاليه جدا ورافتك كتيـــرة جدا جدا محبتك محبة ابدية علشان كده يارب اغسلني من خطيتي ياربى يسوع المسيح اغسلنى وطهرني انا عارف باثمي وعارف بخطيتي دلوقتى ارجوكم كل واحد يبتدى يحط خطيته امامه ويقول لربنا خطيتى امامى فى كل حين كل واحد عارف نفسه اللى بيكذب عارف نفسه واللى بيشتم عارف نفسه واللى بيسرق عارف نفسه واللى بيزور فى الامور عارف نفسه واللى بيشمت فى الناس عارف نفسه واللى بيقول على الخير شر والشر خير عارف نفسه واللى بيظن ظن سوء فى الناس عارف نفسه واللى متجاسر على الناس عارف نفسه واللى متكبر عارف نفسه واللى نظرته شريرة عارف نفسه علشان كده الوقت ده وقت اعتراف وتوبة وندم قول له يارب انا جايلك بكل فسادي وبكل شري لكن انا اثق في نعمتك التي تعمل معايا وتعين ضعفي لا ايأس مهما كان الماضي صعب ومهما كنت قد توغلت في الشر وفى الخطية وفى الادمان انت وحدك اللي تستطيع ان تحررني قلبي الان اتجه اليك هو قال من يأتي الي لا اخرجه خارجاً تعالوا اليا يا جميع المتعبين والثقيلي الاحمال وانا اريحكم احنا يارب جاينلك باحمالنا باثقالنا بمشاكلنا بمتاعبنا بهمومنا نضعها عليك وانت اللي حملت اثامنا انت اللي فديت حياتنا واشتريتنا بدم ثمين كل ماضينا يشهد انك لينا امين ومعين احنا يارب بنسلمك حياتنا وبنهديك كل الايام عايزين نعمتك تعمل معانا وتحفظ حياتنا لمجد اسمك دايما من اعماق قلوبنا بنشكرك يارب من اجل محبتك ومن اجل عنايتك ومن اجل رعايتك لينا نشكرك يارب من اجل حسناتك نشكرك يارب لانك بتكون دايما مع ولادك حتي في وقت الغلط والشر بتستر علينا ما اعظم حبك يارب لانك انت حبيتنا وحبيت العالم كله حتي بذلت ابنك الوحيد لكي لا يهلك كل من يؤمن به بل تكون له الحياة الابدية يارب واحنا فى نهاية سنة عدت بحلوها وبمرها وبمشاكلها لكنها انتهت السنه وبنستقبل بعد لحظات سنه مش عارفين يارب هيكون مصيرنا ايه فيها لكن ياربى احنا واثقين فيك واثقين فى محبتك واثقين فى انك بتستر علينا وبتكون معانا وبتحفظنا وبتعيننا فى زمان غربتنا بنطلب منك يارب فى انك تكون معانا وتساعدنا وتقوينا وتكون يارب زى ما بيقول الكتاب ان عينى عليك من اول السنة لاخرها واثقين يارب ان انت عينك علينا وانك بتقود سفينة حياتنا ياربي في هذا المساء المبارك لنا طلبة خاصة تذكر كنيستك في كل مكان تخيم عليها بملاك السلامة وتحرسها من كل شر ومن كل شبه شر اجعل يارب منارتها مرفوعة علي كل مكان اجعل يارب الكنيسة هى السفينة اللى بتقود حياتنا كلها اذكر يارب سيدنا البابا اعطيه الصحة والعافية احنا من غيره يارب منقدرش نعمل حاجة نرفع قلوبنا الان من اجل احبائنا المرضي اذا كنا احنا صلينا من اجل نفوسنا ومن اجل ان ربنا يدينا توبة ويستلم حياتنا نصلي من اجل احبائنا المرضي المرضي بامراض صعبة واللي قاعدين في السرير يارب مد ايدك الشافية واتحنن عليهم واديهم ثقة ونعمة وسلام وابعد عنهم كل يأس اديهم ثقة في شفائك انت الطبيب الشافي الذي لانفسنا واجسادنا وارواحنا فكهم من رباطات المرض ياربامراض نفوسنا اشفيها والتي لاجسادنا عافيها ايها الطبيب الحقيقي الذي لانفسنا واجسادنا وارواحنا ايضاً نصلي من اجل اخوتنا الحزاني اللي ربنا سمح ليهم بتجارب وانتقال احبائهم يديهم نعمة ويديهم عزاء ويضمد كل جراحاتهم النفسية ويديهم ثقة في محبته حتي لا يتزعزعوا ويكونو واثقين ان احبائنا هما في السما في الفردوس بيتمتعوا بين احضان القديسين نصلي من اجل الاخرين دلوقتي فيه فرصة تصلي من اجل اللي انت مش بتحبهم في ناس انت متضايق منهم او عملو معاك موقف معين ومش قادر تغفرلهم قوله يارب وسع قلبي عشان يبقي عامل زي السما القلب الواسع لا يتضايق باي امر اديني يارب اني احب الكل اديني اني اسامح الكل خليني اصفح عن خطايا الاخرين اشوف الناس كلها زى ما انت شايفهم اشوفهم بعينك يا يسوع يارب انا متكل عليك انت ان كان عليا انا ضعيف وخاطي ان كان عليا مليان شرور واثام وخطايا كتيرة القلب قاسي جدا يا رب القلب قاسي جدا لكن احنا متكلين عليك انت يارب احنا معتمدين علي محبتك لان محبتنا احنا مش ثابتة محبتنا متقلبة لكن انت وحدك اللي محبتك ثابتة محبة ابدية احنا معتمدين عليها اثق يارب ان ولا واحد من اولادك اللى نزلوا جرن المعمودية ولا واحد من اولادك اللى اتغسلوا بدمك اللى شربوا دمك واكلوا جسدك هايهلك نثق ان احنا لينا مكان فى قلبك ولينا مكان فى الحياة الابدية اللى انت اعددتها لينا يارب انت قولت انا هنزع منكم القلب الحجر يارب انزعه منا يارب واعطينا قلب لحم يحس بمحبتك ويحس بصليبك رجعنا لحضنك تاني يا ملك الملوك ورب الارباب طبطب علينا يارب ودفدف علينا احنا ضللنا وملنا كل واحد لطريقه لكن انت يارب جمعتنا زي الدجاجة ما بتجمع اولادها واحنا كل شوية بنجري من تحت جناحك لمنا تاني وجمعنا تحت جناحك اوعي يارب تسمح ان واحد من اولادك الواقفين امامك انه يهلك ولا ان يكون مصيره جهنم جهنم للشيطان بس ولكل اعوانه لكن انت اعددت لينا حياة ابدية في شخصك المبارك جهزنا يارب جهزنا باي طريقة لمنا ليك باي طريقة بالعصايا لمنا يارب ان كان بعصايا لمنا اضربنا يارب ورجعنا ليك بالمرض لمنا ورجعنا ليك رجعنا ليك باي شكل وباي وسيلة ارددنا يارب عايزين نرجع ليك يارب نرجع بتوبة حقيقية توبنا يارب فنتوب من عمق اعماق قلوبنا يارب نشكرك لانك اعطيتنا ان نقف بين يديك الطاهرتين رغم فساد قلوبنا وضعف بشريتنا اعطيتنا ان نقف امامك واعطيتنا فرصة اخري للتوبة يارب وقلت يارب لكل نفس فينا اتركها هذه السنة ايضا نشكرك يارب لانك اعطيتنا فرصة جديدة للتوبة اعطيتنا عمر جديد لكى ما نشهد لك يارب فى هذه الحياه نشكرك يارب لانك لم تسمح ان تاخذ ارواحنا ونحن في غفلة لا تسمح يارب ان تأخذنا ونحن في غفلة فنفقد ابديتنا التى لها دعينا نشكرك يارب لانك كللت هذه السنة بجودك واثارك تقطر دسما نشكرك لانك اعطيتنا ان نقف بين يديك الطاهرتين رغم ضعف بشريتنا نشكرك يارب من اجل نعمة الايمان اعطيتنا يارب ان ندعي اولاد ليك ياما يارب ملايين ومليارات فى العالم لم يؤمنوا بيك يارب الي هذه الساعة اعطي يارب ان كل انسان يؤمن بيك اعطي يارب لكل نفس ان تتذوق حلاوة العشرة المقدسة معاك اعطى الكل يارب ان يعرفوك انك انت الاله الحقيقى افتقد كل نفس بعيدة يارب كما افتقدت شاول وحولته من شاول الي بولس وصار كارزاً عظيماً اذكر كل نفس يارب تعيش في الضلال وفي ظلمة الخطية اذكر كل نفس لم تعرفك الي الان ولم تتلامس معك اذكر يارب كل انسان في العالم كله نطلب منك يارب في هذه الايام ان تعطي العالم كله سلام وطمأنينة اذكر كل الدول التي تتصارع يارب حل بسلامك يارب في كل بلدان العالم اعطي يارب ان يختبر ويعيش كل انسان حياة السلام الحقيقي اعطي سلام لبيوتنا يارب اعطي سلام لانفسنا افتقد يارب كل اسرة في هذه الايام كثير يارب من الاسر فقدت سلامها كثير من الاسر مهددة بالضياع نظرا لعدم وجودك داخل هذه الاسر ادخل كل بيت يارب حل بسلامك في كل بيت فتهرب الخطية والنجاسة ويهرب الظلم ويهرب الحقد ومحبة العالم من داخل كل نفس اذكر كل اسرة مسيحية يارب اسستها اجعل يارب كل اسرة كنيسة حقيقية اذكر كل زوج وكل زوجة واذكر اولادهم احمي اولادك يارب من شر ونجاسة العالم حوط علي ولادك وبناتك في هذه الايام التي كثرت فيها الخطية والنجاسة ويحاول فيها الشيطان ان يقتنص اولادك يارب ثبتنا في ايمانك الي النفس الاخير ثبت اولادك وبناتك ولا تسمح ان احد منهم يارب يهلك لانك اتيت من اجل كل نفس بعيدة يارب يسوع المسيح اذكر كل نفس محتاجة اليك اذكر مرضي شعبك اشفيهم حزاني القلوب عزيهم الراقدون نيح نفوسهم اذكر الارامل والايتام عولهم اذكر المديونين سدد يارب ديونهم سدد اعوازهم اعطي لبلادنا يارب سلام وطمأنينة احمي ولادك يارب من الغلاء ومن الوباء ومن الزلازل والبراكين والاعاصير وكل امر مخيف اعطي سلام لكنيستك يارب اذكر ابونا البطرك البابا المعظم الانبا شنودة الثالث اعطيه يارب اياما مقدسة اشفيه من كل مرض يارب ادم يارب رئاسته علي كنيستك اذكر كل انسان متضايق فك ضيقته يارب اذكر المضطهدين يارب ارفع غضبك عنهم حنن قلوب المتولين عليهم اذكر ولادك اللي بيمتحنوا افتح اذهانهم اذكر اولادك اللي مش لاقيين شغل اوجد لهم عملاً اذكر يارب كل انسان يريد ان يرتبط ويؤسس اسرة قادر ان ترشده دبر امور اولادك يارب اجعل ولادك محميين بايدك القوية وزراعك الرفيعة يارب مننساش عملك معانا ابدا يارب اد ايه حفظت ولادك من شر يامن حفظت كنيستك علي مر العصور والازمان احميها واحفظها يارب احفظ ولادك وثبتهم في ايمانك الي النفس الاخير اذكر الذين امرونا ان نذكرهم في صلواتنا وطلباتنا التي نرفعها اليك ايها الرب الهنا اعطينا حكمة يارب اعطينا يارب ان نشهد ليك في كل موقف وفي كل تصرف اعطي بناتك يارب ان يتزين بلباس الحشمة والورع والتعقل لا بزينة اهل العالم بل بزينة القلب الخفى زينة الانسان المملوء بروحك القدوس اعطي اولادك وبناتك ان لا ينجرفوا في دوامات وبحار العالم لئلا يفقدو يارب ابديتهم اجعلنا يارب نحافظ علي الثوب النوراني الجميل اللي اخدناه من المعمودية يارب ان كانت المسئولية صعبة وان كانت الظروف اللي بتحوط بينا صعبة وان كان بعض الناس بتقول ان المستقبل صعب او في مشاكل هتيجي او في ضيقات هتيجي لكن احنا واثقين يارب ان حياتنا بين ايدك انت يارب وان اولادك يارب هتحميهم وهتحفظهم وهتشددهم يارب يا من كنت معنا كن معنا يارب في هذا اليوم لانك انت وعدت وقولت ها انا معكم كل الايام والي انقضاء الدهر نحن نثق يارب انك انت معنا في كل ظروف حياتنا يارب يسوع المسيح اجعلنا ان نصرخ مع القديس بولس الرسول ونقول الاشياء العتيقة قد مضت هوذا الكل قد صار جديداً اجعل حياتنا حياة جديدة ادينا توبة الانبا موسي وتوبة القديسة مريم المصرية ادينا حكمة سليمان ادي ولادك عمر متوشالح ادي ولادك ياربي يسوع المسيح ان يكونوا محفوظين بعنايتك الالهية احفظنا في اسمك القدوس يارب سامحنا يارب يارب سامحنا لاننا عوجنا المستقيم سامحنا لاننا ضلينا وملنا كل واحد لطريقه سامحنا لان تملكت علي قلوبنا شهوات كتير محبة الفلوس كلنا بنحب الفلوس لكن اجعل الفلوس والاموال متكونش هيا اهتمامنا الاول والاوحد املي عنينا يارب ان كنا فقراء في المال لكن لنا جوهرة ثمينة يسوع المسيح غالي القيمة املي عنينا بيك انت ماتخليناش نبص على حاجة تانى القديس بولس كان بيقول كفقراء ولكن نحن نغنى الكثيرين حتي لو مكنش معانا لكن عنينا مليانة شاكرينك بنشكرك حتى واحنا ادينا فاضية واحنا ادينا مليانة اتملكت علي القلب شرور كتيرة لكن اثق انك هتخلصنا يارب اثق انك مش هتسمح ابدا اننا نهلك نشكرك لانك رديت الضال للحظيرة تاني نشكرك لانك رضيت يارب علي ارضك غفرت اثام شعبك سترت جميع خطاياهم نشكرك لانك كفرت عن خطايانا بدمك واحنا بنقبل هذا الدم ونرتوي بيه بنشرب دمك في سفر الافخارستينا عشان تسري فينا عصارة الحياة ونبقي جسد واحد معاك ونفس واحدة ونبقي عظم من عظامك ولحم من لحمك نشكرك لانك وحدتنا فيك يارب اقبل كل صلواتنا وتضرعاتنا وطلباتنا التي رفعناها اليك واقبلنا اليك كعظيم رحمتك واصرفنا من امامك ونحن مملوئين من كل نعمة وبركة تجدنا فى احتياج اليها بشفاعة القديسة الطاهرة مريم ورئيس الملائكة ميخائيل والقديس العظيم الانبا انطونيوس والبار انبا بولا وكافة مصاف القديسين .....وصلوات كل اولادك اسمعنا وارحمنا لما نقولك بشكر : يا ابانا الذي في السموات .......