كلمات ترنيمة صرخة مسيحى

كلمات ترنيمة صرخة مسيحى انا هاصرخ واسمع وهقول وبأعلى صوت انا مسيحى وبدمع على كل شهيد يموت بصرخ من قلبى اه على هدم بيت الإله بصرخ على أبويا وأمى اللى فارقوا الحياه هصرخ وهاعلى صوتى ولا هاخاف لو فيها موتى وهقول للظلم لا إبليس قايم بدوره زى ما قال الكتاب عماله تزيد شروره شايفين كل العذاب عذابات على كل لون فيها كل الفنون بين ضرب وقتل فينا ودموع جوه العيون شوفوا مات كام شهيد فى الكشح وفى الصعيد شهداء فى العمرانية وكنيسة إسكندرية من يوم ميلادك يا ربى ولغاية اللحظة ديا هاصرخ وهعلى صوتى وهانادى على فاديا ده انا بسمع كل يوم عن بنت بيخطوفوها تكتر عندى الهموم بصرخ وبقول سيبوها والطفل ليه تحرموه من حضن أمه وأبوه ولا علشان مسيحى لابد تعذبوه بصرخ وبقول كفاية ليه نموت ونكون ضحايا ده الاب على بنته يصرخ والام تصرخ ضنايا مهما حصل ومهما عيشنا إحنا مجروحين لو نتقتل علشانك انت نقول أمين ما انت زمان رضيت عشاننا تتصلب دوقت الهوان مع انك انت العود الرطب كنت فى عز الالام بتنادى بالسلام وقولت الله محبه ومقولتش الإنتقام خليك ماسك فى إيدى قوينى إنت يا سيدى صبر قلبى الحزين على اللى بيحصل فى الدين صبرنى على الجراح على قتل المسيحيين يا يسوع أنا مش هاسيبك هافضل رافع صليبك يا الهى بنده عليك إسمع صرخة حبيبك