العريس ملوش مثيل د بشرى عجبان

قصيدة عن شهداء يسوع المسيح بقلم د / بشرى عجبان العريس ملهوش مثيل يمحي كل الخوف يزيل يدي شوف ويكون دليل يمنح الملهوف سبيل ع اللي ماتو مفديين الزمن شاهد أمين والتمن غالي وثمين دم يسوع المسيح اللي خلق الكون فكان واللي منح الروح كيان واللي بيعّد المكان للي عانى والجريح اشهدوا لإلهنا فوق فوقوا العالم يفوق دوقوا المساجين فروق بين قيود وبين مسيح اللي خفف في الآلام واللي كان حلو الكلام واللي فاض حب وسلام رحمة خرجت للزحام اللي قال عايشين معاه لو ندوب .. نشبه سماه لو نكون ملح الحياه يتوجد طعم المسيح واللي دار بين الجبال يرسم الخير والجمال ينشر النور والآمال ع الكفيف وع الكسيح اشهدوا لإلهنا فوق فوقوا العالم يفوق دوقوا المساجين فروق بين قيود وبين مسيح علموهم مين يسوع لما كان وسط الجموع وابتسامته والدموع واشتهاءه للرجوع اللي بيقول أحنا نور نتوجد .. نكتب سطور ترشد الناس والحضور يعرفوا اسم المسيح اللي داري بكل حالنا واللي ساب ملكه وجالنا واللي دمه سال بدالنا لما مات فصح وذبيح اشهدوا لإلهنا فوق فوقوا العالم يفوق دوقوا المساجين فروق بين قيود وبين مسيح علموهم طعم غاب لما زاد غلب الشباب لما شاف طعم العذاب لما ضاق بيه كل باب اكشفوا رموز الحقيقة وأن مجدنا بعد ضيقة ده الطريق دي الطريقة دي الحياه ويا المسيح اشهدوا إن إلهنا فينا وأنه على ضهر السفينة وأنه حافظنا وحامينا مهما تعلى علينا ريح اشهدوا لإلهنا فوق فوقوا العالم يفوق دوقوا المساجين فروق بين قيود وبين مسيح اللي عازل واللي فاصل يعرف الحزن اللي حاصل يفتح الباب اللي واصل ع البشر نرجع نواصل مش هتحمينا المتارس المسيح سهران وحارس هدوا أسوار الكنايس افتحوا الباب للمسيح اللي دارا واستخبى يفتح الباب حبة حبة تفضلي كنيسة المحبة صخرة لإيماننا الصحيح اشهدوا لإلهنا فوق فوقوا العالم يفوق دوقوا المساجين فروق بين قيود وبين مسيح غيروا عصر الحروب أنهجوا لمس القلوب دوبوا وسط الخلق دوب توبوا العالم يتوب يعني إيه كلمة إله وأنه قابل للخطاه وأنه بيعيد الحياه للي مات باسم المسيح يعني إيه نحب اللي خان واللي عادى واللي هان يعني إيه نصلي كمان للي كرهه كان صريح اشهدوا لإلهنا فوق فوقوا العالم يفوق دوقوا المساجين فروق بين قيود وبين مسيح علموهم يعني إيه نترك الأمر في إيديه نتمس والمس في عينيه نخاف بقى من مين وليه اللي واعد بالعدالة وأحنا بنقوله تعالي لسه في الخطة كمالة كله يشهد للمسيح وأما بيت لحم في ميلادك تقتل الأطفال ولادك تجبرك تهجر بلادك حضن مصر يكون مريح اشهدوا لإلهنا فوق فوقوا العالم يفوق دوقوا المساجين فروق بين قيود وبين مسيح اخرجوا وسط الديابة ساعدوا جهال الغلابة كونوا نور كونوا سحابة كونوا جاهزين للإجابة كل شيء في الكون بمعنى لو طلبنا كان سمعنا لو خرجنا هو معنا ندي للناس المسيح وأما نجمك يبقى لامع واللي شايف واللي سامع يرفضوك وسط المجامع تقبل الكون الفسيح اشهدوا لإلهنا فوق فوقوا العالم يفوق دوقوا المساجين فروق بين قيود وبين مسيح تفضل الفكرة القديمة مصر وكنيستي العظيمة لما زاد في قيمتها قيمة باقية ومباركة وسليمة في الحواري والجحور الألوف مش لاقية نور والخطية بحور بحور عرفوا الناس المسيح تفضل القصة الجميلة في المسيح مش مستحيلة جوه كل الناس فتيلة فيها نور يخرج يصيح اشهدوا لإلهنا فوق فوقوا العالم يفوق دوقوا المساجين فروق بين قيود وبين مسيح دوقوهم منه شيء ارسموا علامة وطريق اشهدوا بلسان جريء انطقوا كلامه البريء صحوا معنى من المعاني رجعوا زمن الأماني رجعولنا بلادنا تاني أرض باركها المسيح علموهم أنه جاي وأنه حق وأنه حي وانه حب وخير وضي كونوا صورة للمسيح اشهدوا لإلهنا فوق فوقوا العالم يفوق دوقوا المساجين فروق بين قيود وبين مسيح واستعدوا للسحاب لما رب الكون يجاب الأمين يدي الحساب يتفتح قدامه باب تفضل الأيام تعدي ندي روحنا ودم ندي نروي أرض أبوك وجدي شهدا على اسم المسيح ارفعوا صليب الحياه عيشوا لو عشتم معاه موتوا لو موتم فداه مين يطول حضن المسيح اشهدوا لإلهنا فوق فوقوا العالم يفوق دوقوا المساجين فروق بين قيود وبين مسيح مش هننساكم يا شهداء المسيح اذكرونا امام عرش النعمة