هتقدر على كل حاجه !

قادر وتعملها فاشل انت فاشل !! أكيد كلنا سمعنا الكلمة ديه كتير أوي من اهالينا من اصحابنا او حتى من نفسنا ، مش بس سمعناها في كلامهم لكن كمان شوفناها في عنيهم ... لدرجة انك ولو مره حسيت بالنجاح تحس اني فيه حاجه غلط حرام عليك نفسك يا أخي مفيش حد فينا فاشل كل واحد فينا "قادر ويعملها " بس المشكله اننا مش فاهمين و مش عارفين يعني إيه نجاح !! ولا حتى امتى ابقى ناجح النجاح مش هو انك تجيب 99% في الثانوية العامة وتدخل كلية الطب ولا الهندسة ... ولا هو انك تبقى واد كسيب وتعرف تجيب القرش منين يمكن تكون دي صورة من صور النجاح الكتير اوي ... لكن من مش هو ده معنى النجاح .... النجاح الحقيقي : - هو اني اعرف نفسي ومواهبي وأقبلها واستثمرها . - هو كمان مش خطوة والتانية ابقى وصلت لكنه مشوا والراجل ميقولش تعبت - هو اني النهاردة احسن من امبارح وامشي لقدام حتى ولو خطوة واحده بس ... مش اني افضل اهري وانكت في نفسي وهدفي إني ابقى احسن من كل الناس وتبقى كل العيون علىّ بتبص . - هو اني أكون نفسي مش اكون غيري عشان كل واحد فينا هو انسان مميز ومختلف عن الباقيين .. يقدر يعمل حاجات غيرة ميقدرش يعملها وما يعرفش يعمل حاجات غيره كتير يعرفوا يعملوها . - هو اني اخزن حاجات حلوه واتعلم حاجات جديده لغاية لما يتفتحلي الباب وابقى مستعد وقتها اعمل حاجات ناجحه ومفيده - واهم معنى للنجاح هو نجاحي في علاقتي مع ربنا ومع الناس ومع نفسي . بس السؤال ازاي ابقى ناجح - اتعلم تاخد قرارك بنفسك بعد ما تدرسه كويس - اتحكم في ردود أفعالك وطريقة استقبالك لأي حاجه تقابلك - اتعلم من غلطك بدل ما تندم عليه ادخل التجربة مر واتنين ومليون لا تزهق ولا تمل .. خلي نَفَسك طويل - خليك مقتنع بفكرتك وحلمك وفكر إزاي هتوصل ليه مهما كانت الظروف حتى لو كان فيه اسوار ... انت تقدر تعديها - متبنيش نجاحك على حساب حد تاني و اوعى تنسى إنك مش بتتقاس بقد إيه انت ناجح خلى بالك أكيد هتلاقي حاجات تعطل نجاحك زي 1- التشاؤم بعد ما تفشل في أي حاجه 2- التهور والكسوف والخوف 3- الاستعجال في الوصول للهدف مهما كانت النتايج . Take care على نفسك لما تفشل او لما تنجح لما تفشل خلي بالك م الاحباط والاستسلام .... ولما تنجح خلى بالك الكبرياء والكسل جمد قلبك ومتخفش م الفشل .... متبقاش طير جناحه مكسور حط عنيك على هدفك ومتفقدش الامل ... ميهمكش الظروف خليك زي النسور والاهم خليك قريب من ربنا لانه هو سر النجاح وهو الى بيدى النجاح

ميرسى اوى على الموضوع الحلو ده فعلا هو موضوع مفيد جدا فعلا كل انسان فينا نفسه يبقى ناجح ويحس بالفرحة لما يحقق ولو خطوة فى بداية مشوار طويل ورحلة الالف ميل بتبدء بخطوة بس انا كنت عايزة اضيف حاجة لو عايز فعلا النجاح فى مقولة حلوة اوى سمعتها من ابونا لو عايز نوصل للنجاح اعرف سلاح عدوك يعنى لو عايز نجاح فى الطريق الروحى اعرف اسلحة العدو اللى بيحربك علشان تعرف تتصداها والقديس بولس الرسول لما جه يشرح النقطة دى شبه بالجندى الرومانى يعنى الجندى بيلبس خوذة ومنطقة ودرع لصد الهجمات وبيبقى معاه السيف او الرمح علشان يدافع بيهم زى الانسان الى عايز ينجح فى طريقه الروحى بيبقى معاه الفضايل لصد الهجمات وومعاة الصلاة والصوم علشان يعرف يهاجم بيهم ويافع عن نفسه وقيس بقى على كل نجاح انت عايز تحققه بس النجاح الاعظم النجاح الروحى وفى حته حلوة اوى عجبتنى فى الموضوع ميهمكش الظروف خليك زي النسور والاهم خليك قريب من ربنا لانه هو سر النجاح وهو الى بيدى النجاح وفى النهاية الكتاب المقدس بيقول كان الرب مع يوسف فكان رجلا ناجحا ودى تشرح كل الكلام انا عارفة انى طولت اوى ميرسى اوى على الموضوع وربنا يبارك خدمتك