٥ أفكار لعرض سير القديسين

٥ أفكار لعرض سير القديسين من أنا "ممكن تجيب مجموعة كروت و كل واحد تكتب عليه معلومة عن البابا اثناسيوس مثلا (أو قديس الدرس). في الأول ماتقولش إسمه إيه, بس طلع الأولاد واحد واحد بترتيب إنت عارفه, و خلي كل واحد يقرأ الورقة اللي معاه، و يحاولوا يخمنوا هو مين. و في الأخر قولهم قصته... ممكن كمان انك تدي الكروت للأولاد, و خلي على كل كارت رقم, و طلع رقم رقم بالترتيب. ضيف البرنامج الفكرة انك تستضيف الشخصية و تسألها اسئلة و اجاباتها تكون القصة .. يعنى الشخصية بتحكى حكايتها ..و طبعا هيبقى احلى لو الخادم او الخادمة لابسين زى القديس و كدة صاحب الاسم دى فكرة كمان هى عبارة عن ان هتسمى المخدومين بالاسماء الموجودة فى القصة وكل ماتذكر اسم من القصة صاحب الاسم من المخدومين يقف ويقعد وده هيخلى الولاد منتبهين علشان لما يجى الاسم يقف ويجلس مين بيقول الحق الفكرة ان نلبس 3 خدام لبس شخصية قديس معين وكل واحد يحكى القصة القديس بس واحد بس هوا اللى بيتكلم صح والباقى يغلط فى احداث القصة وعلى الاطفال ان يستنتجوا مين اللى بيقول الحق لعبة عروستي (شبيهة بلعبة من أنا لكن أنسب للسن الأصغر) لو كان القديس اسمه معروف للأطفال ممكن تحكي القصة بطريقة عروستي .. وهي انك ما تذكرش اسم القديس وتسميه باسم اي ولد في الفصل وتعرفهم ان ده مش اسمه الحقيقي وتبدأ تحكي للأولاد احداث من قصته وكل شوية تسأل الأولاد"عروستي" واللي يعرف الأسم ممكن تشجعه بأي هدية بسيطة اذكرونى فى صلواتكم