انت سافرت خلاص يعنى
كده من غير ما تودعنى
ياما كان نفسى اجيلك اشوفك
اشكى همومى وتسمعنى

كان جوايا هموم وجراح
روح قلقانة نفسها ترتاح
يوم ما انا شفتك مرة بعينى
يا بابا شنودة اديتنى افراح

وانا دلوقتى امام جسدك
كانك نايم .. وليك وحدك
ليك وعليك القلب بيبكى
دم دموع .. ده مليش بعدك

أنا .. معرفش انا غيرك أب
كنت بتروى كنيستك حب
قلبى اتمزع بعد رحيلك
شعبك بقا يتيم الأب

مش من الأرض انت .. أنت ملاك
انت يا بابا شنودة طوباك
بعتك رب المجد مهمة
كملتها ورجعت سماك

مين لينا .. بعدك احنا يتامى
ياما حنيت على شعبك ياما
كنت الحب وكنت الرأفة
صورة لرب المجد علامة

دى السما فرحت يوم ما سافرت
كنز اعمالك فوق حوشت
ياما عملت حساب ده اليوم
وصلت لحضن يسوع وإرتحت

أصبح لينا شفيع وكريم
قدام عرش الرب مقيم
إسمه البابا شنودة الثالث
اللى سبقنا بمجد عظيم