سلام ونعمة لاخواتي في المنتدى
طبعا اسم الموضوع غريب جدا
بس دي حادثة حقيقية حصلت في العهد الجديد
(اعمال الرسل)
كان سببها خطية هيا في الحقيقة ( أم كل خطية )
( التكبر )
نقرا الجزء الي في الاصحاح 12 من اعمال الرسل
ونكمل كلامنا عن الخطية دي
بسم الآب والأبن والروح القدس
اله واحد امين
20 وكان هيرودس ساخطا على الصوريين والصيداويين فحضروا اليه بنفس واحدة واستعطفوا بلاستس الناظر على مضجع الملك. ثم صاروا يلتمسون المصالحة لان كورتهم تقتات من كورة الملك.
خطية التكبر هيا تعتبر اول خطية عملها الانسان
فأدم قبل ما ياكل من الشجرة حسبها في دماغه انه لو كل منها هيبقى زي الله
ويعتبر بردو قاييل قبل ما يقتل هابيل جاتله خطية التكبر
وقال في نفسه ازاي ربنا يقبل تقديمات اخويا وميقبلش تقديماتي
فخطية التكبر تعتبر من اول الخطايا الي بيقع فيها الانسان وبتكون سبب في وقوعه في خطايا تانية كتير
ياريت يا اخواتي كل واحد يخلي باله من الخطية دي ولو حس انها جواه
يطردها بتواضع المسيح الي نزل من السما في صورة عبد وهو ملك الملوك
علشان يخلصنا واتصلب واتهان جدا من اجلنا
وداس على خطية التكبر بتواضعه وكل واحد هيقرب من المسيح بجد
هيقدر بكل سهوله يدوس على الخطية دي بتواضع المسيح الي هيكون جواه
طبعا الموضوع كبير جدا ومهما قلنا فيه عمره ما ينتهي
لان الخطية دي قتلت ناس كتير وكفاية انها كانت سبب رئيسي في سقوط ادم
لكن المثل اللي موجود في اعمال الرسل والي حصل لهيرودس
كفاية جدا انه يعرفنا قد ايه الخطية دي عقابها عظيم عند ربنا
ولله كل المجد الى الابد امين
Reply With Quote