إزاى نستفيد من الصوم ؟

إزاى نستفاد من الصوم الموضوع ده هانشارك فيه كلنا كل واحد يقولنا ازاى ممكن نستفيد من فترة الصوم ومانسيبهاش تعدى كده من غير ما ناخد بركة كبيرة منها نفيد بعض باللى ممكن ينمى حياتنا الروحية لأن الصوم فرصة كبيرة اننا نرجع للمسيح بالتوبة ونجدد عهودنا معاه والكنيسة طول وقت الصوم بتفكرنا بنماذج رائعة للتوبة زى الإبن الضال والسامرية والمخلع والمولود أعمى وبتوضحلنا قد ايه كانت لمسة الرب يسوع شافية للنفس والجسد والروح ومجددة للحواس وباعثة للحياة وأنا هابتدى وهاقولكم عن حاجتين ممكن يفيدونا فى فترة الصوم أولا ً : الهدوء والصمت لإن ايقاع الحياة الصاخب وعنف متطلبات المعيشة وكثرة الانشغال والهموم جعلوا الانسان يفقد معناه وانسانيته ، وحوّلوه لمجرّد ترس في ماكينة ضخمة يتحرك بتحركها ويقف بوقوفها. والانسان اليوم يعيش في تشتت مرعب يبدد قوي الجسم والعقل والنفس فكم بالحري قوي الروح ، فنحن في أكثر الاحتياج إلي الهدوء والصمت حتى نغوص ونبحث فى أعماق نفوسنا بعيداً عن تأثير المشتتات الخارجية ونعتبرها رحلة لضبط الاتجاهات ونختزل كل شئ غير ضروري في برنامجنا اليومي مثل : الأحاديث الباطلة , الثرثرة ، والمكالمات التليفونية الطويلة... وغيرها ، وبذلك نجد وقت للتمتع بالهدوء والصمت وخشوع العبادة والتأمل ومعرفة ضعفاتنا وإيجاد نفوسنا مع الله. ثانيا ً : العطــــــــاء " لا تنسوا فعل الخير والتوزيع لأنه بذبائح مثل هذه يُسرّ الله " (عب 16:13) إن الرحمة وروح العطاء إنما هما دليل علي القلب الزاهد المحب لله . . . إنه القلب الذى يسعد بالعطاء يفرح لفرح الآخرين . والعطاء هو وسيلة لتقديسنا وكذلك الصدقة هي طريق الكمال ، فالصوم هنا فرصة للتعبير العملي عن إيماننا الحقيقي . يا تري ايه اللي ممكن نعمله كمان علشان نستفاد بالصوم المقدس